மாமியாரை ஈர்க்க மருமகள்கள் என்ன செய்ய வேண்டும் என்பதை இந்த பதிவில் தெரிந்து கொள்ளுங்கள்.
இன்றைய காலத்தில் மாமியார் மற்றும் மருமகள் ஒரே வீட்டில் வசிப்பது என்பது முடியாத காரியமாக இருக்கின்றது.
காரணம் இருவருக்கும் இடையே போட்டி பொறாமை இவைகளால் எல்லா நேரங்களிலும் சண்டையாகவே காணப்படுகின்றது.
ஆனால் சில வீடுகளில் மற்றவர்கள் பொறாமை கொள்ளும் விதமாக மகிழ்ச்சியாகவும் இருப்பார்கள். அவ்வாறு மகிழ்ச்சியாக இருப்பதற்கு என்ன டிப்ஸ் என்பதை தெரிந்து கொள்வோம்.
ஷாப்பிங் என்பது ஒவ்வொரு பெண்ணும் விரும்பும் ஒன்றாக இருக்கின்றது. அவ்வாறு ஷாப்பிங் செல்லும் மாமியாரையும் அழைத்துச் செல்லலாம். அத்தருணத்தில் அவர்களின் விருப்பு வெறுப்பினை புரிந்து கொள்ள முடியும்.
கணவர், நண்பர்கள் என்று பயணம் செய்யும் நீங்கள் இனி மாமியாருடன் ஒரு பயணத்தை ஏற்பாடு செய்ய வேண்டும். மாமியார் விரும்பும் இடத்தினை தெரிந்து கொண்டு திட்டமிட வேண்டும். இந்த பயணம் பரஸ்பர புரிதலுக்கு உதவி செய்கின்றது.
கணவர் குழந்தைகள் இவர்களுடன் இரவு உணவிற்கு செல்லும் போது மாமியாரையும் அழைத்துச் செல்ல வேண்டும். ஷாப்பிங், சுற்றுலா செல்வது அசௌகரியமாக இருந்தாலும் இவ்வாறு இரவு உணவிற்கு வருவதற்கு அவர்கள் தயாராகவே இருப்பார்கள்.
வெளியே மற்றும் வீட்டில் நடக்கும் விடயங்களை கூறுவது மட்டுமின்றி, நவீன காலத்து மாற்றத்தினையும் அவர்களுக்கு கற்றுக் கொடுத்தால், இருவரின் இடையேயான தொடர்பு அதிகமாகும். சுமூகமான உறவும் மேலோங்கும்.
