இந்த மூன்று படங்களில் விடிவி படத்தின் படப்பிடிப்பும் இன்னும் தொடங்கவில்லை. இந்நிலையில் வெங்கட் பிரபு இயக்கத்தில் சிம்பு நடித்து வரும் மாநாடு இறுகக்கட்ட படப்பிடிப்பு நடந்துவருகிறது. விரைவில் படப்பிடிப்பு முடிந்ததும், பின் தயாரிப்பு வேலைகளை வேகமாக முடித்து, படத்தை ரம்ஜான் பண்டிகையை ஒட்டி ரிலீஸ் செய்ய படக்குழுவினர் திட்டமிட்டுள்ளனர்.

அதேபோல் சியான் விக்ரம் நடிப்பில் உருவாகி உள்ள கோப்ரா திரைப்படத்தையும் அதே தினத்தில் வெளியிட முடிவு செய்திருக்கிறார்கள். கோப்ரா படத்தை அஜய் ஞானமுத்து இயக்கி உள்ளார். இதில் விக்ரமுக்கு ஜோடியாக கேஜிஎப் புகழ் ஸ்ரீநிதி ஷெட்டி நடித்துள்ளார்.

முன்னாள் இந்திய கிரிக்கெட் வீரர் இர்பான் பதான் வில்லனாக நடித்துள்ளார். ஏ.ஆர்.ரகுமான் இசையமைக்கிறார். இப்படத்தின் இறுதிக்கட்ட படப்பிடிப்பு தற்போது ரஷ்யாவில் நடைபெற்று வருகிறது. சிம்பு, விக்ரம் படங்களின் தயாரிப்பாளர்கள் இப்போதே திரையரங்குகளைப் பிடிக்கும் வேலைகளைச் செய்து வருகிறார்கள்.