நவகிரகங்களில் சூரியன் கிரகங்களின் ராஜாவாக அறியப்படுகிறார். ஜோதிடத்தில் சூரியனின் இயக்கத்தில் ஏற்படும் மாற்றங்கள் மிகவும் முக்கியத்துவம் வாய்ந்ததாகக் கருதப்படுகின்றன.

சூரியன் ஒவ்வொரு மாதமும் ஒரு ராசியில் இருந்து மற்றொரு ராசிக்கு மாறுவது போல, குறிப்பிட்ட காலத்திற்குப் பிறகு தனது நட்சத்திரத்தையும் மாற்றுகிறார்.

அந்த வகையில், ஆகஸ்ட் மாதத்தில் சூரியன் தனது சொந்த நட்சத்திரமான மகம் நட்சத்திரத்தில் நுழைய உள்ளார். தற்போது ஆயில்யம் நட்சத்திரத்தில் சஞ்சரித்து வரும் சூரியன், ஆகஸ்ட் 17ஆம் தேதி மகம் நட்சத்திரத்திற்குள் நுழையப் போகிறார்.

சூரியன் தனது சொந்த நட்சத்திரமான மகம் நட்சத்திரத்தில் நுழைவது ஜோதிட ரீதியாக மிகவும் முக்கியமான நிகழ்வாகக் கருதப்படுகிறது.

அந்த வகையில், சூரியனின் இந்த நட்சத்திர மாற்றத்தால் அதிக நன்மைகளைப் பெறப்போகும் ராசிக்காரர்கள் யார் யார் என்பதை இந்தப் பதிவில் விரிவாகப் பார்க்கலாம்.

மேஷம்

மேஷ ராசிக்காரர்களுக்கு இந்த நட்சத்திர மாற்றம் நல்ல முன்னேற்றத்தைத் தரும். ஆகஸ்ட் 17-க்குப் பிறகு பதவி உயர்வு அல்லது புதிய வேலை கிடைக்கும் வாய்ப்பு உருவாகும்.

புதிய தொழில் அல்லது முதலீட்டுக்கான வாய்ப்புகளும் உருவாகலாம்.நிதிநிலை மேம்படுவதுடன், குடும்பத்திலும் வாழ்க்கைத்துணையுடனும் மகிழ்ச்சியான சூழல் நிலவும். குறிப்பாக நிதி நிலையில் நல்ல முன்னேற்றம் உண்டாகும். 

சிம்மம்

சூரியன் தனது சொந்த நட்சத்திரத்தில் சஞ்சரிப்பதால் சிம்ம ராசிக்காரர்களுக்கு சாதகமான பலன்கள் கிடைக்கும். தலைமைத்துவ திறன் அதிகரிக்கும். வேலையில் முன்னேற்றமும் புதிய பொறுப்புகளும் கிடைக்கும்.

நிதிநிலை மேம்படுவதுடன், பழைய முதலீடுகளில் லாபம் மற்றும் புதிய வியாபார வாய்ப்புகளும் அமையலாம். நண்பர்களின் ஆதரவும், திருமண வாழ்க்கையில் மகிழ்ச்சியும் கிடைக்கும்.

தனுசு

தனுசு ராசிக்காரர்களுக்கு இந்த காலகட்டம் வெற்றி மற்றும் வளர்ச்சியைத் தரக்கூடியதாக இருக்கும். தொழிலில் முன்னேற்றம், பதவி உயர்வு மற்றும் சமூகத்தில் மதிப்பு அதிகரிக்கும்.

வியாபாரிகளுக்கு லாபமும் புதிய வாய்ப்புகளும் கிடைக்கலாம். குடும்பத்தில் இருந்த பழைய பிரச்சினைகள் தீர்ந்து, மனநிம்மதி அதிகரிக்கும். முடிக்காமல் இருந்த பணிகளையும் வெற்றிகரமாக நிறைவு செய்வதற்கான வாய்ப்பு கிடைக்கும்.