ஜோதிட சாஸ்திரத்தின் பிரகாரம் கிரக நிலைகளில் ஏற்படுகின்ற மாற்றங்களானது 12 ராசிகளிலும் குறிப்பிடத்தக்க சாதக பாதக பலன்களை ஏற்படுத்தும் என நம்பப்படுகின்றது.

கிரக பெயர்ச்சிகளில் குறிப்பாக சனி பெயர்ச்சிக்கு இந்து மதத்தில் பெரிதும் முக்கியத்துவம் கொடுக்கப்படுகின்றது. காரணம் சனிபகவான் நீதியின் கடவுளாக திகழ்கின்றார்.

அவர் நாம் செய்யும் பாவ புண்ணியங்களுக்கு ஏற்ப வாழும் காலத்திலேயே அதற்கான பலன்களை பாரபட்சம் இன்றி கொடுத்துவிடுவார்.அதனால் தான் சனிபெயர்ச்சி என்றால் சற்று அச்ச உணர்வும் ஏற்படுகின்றது.

அந்தவகையில், 2026 மார்ச் 11 ஆம் திகதி சனி பகவான் மீன ராசியில் அஸ்தமனமாகவுள்ளார். அதனை தொடர்ந்து ஏப்ரல் 22 ஆம் திகதி தான் உதயமாவார்.இப்படி சனி பகவான் அஸ்தமிக்கும் போது பலவீனமாக இருப்பார்.

இப்படி சனியின் அஸ்தம காலமான 40 நாட்கள்  சனி பகவான் சுக்கிரன், புதன், செவ்வாய் மற்றும் சூரியனுடனும் ஒன்றிணைந்து இருப்பார்.

இப்படி சனி பகவான் அஸ்தமனமாவதன் தாக்கமானது 12 ராசிகளிலும் சாதக, பாதக தாக்கங்களை ஏற்படுத்தினாலும், குறிப்பிட்ட சில ராசிகளுக்கு அமோகமான அதிர்ஷ்ட பலன்கள் கிடைக்கப்போகின்றது. அப்படி ராஜ யோகத்தை அனுபவிக்கப்போகும் ராசியினர் யார் யார் என இந்த பதிவில் பார்க்கலாம்.

மேஷம்

மேஷ ராசியின் 12 ஆவது வீட்டில் சனி பகவான் அஸ்தமன் நிகழப்போகின்றது. அத்துடன் இந்த ராசிக்காரர்களுக்கு ஏழரை சனியின் முதல் கட்டம் நடந்து கொண்டிருப்பதால் இந்த காலகட்த்தில் சனியின் மோசமான விளைவுகளில் இருந்து தப்பித்துக்கொள்ளலாம்.

உடல் ஆரோக்கியத்தில் இருந்துவந்த பிரச்சினைகளுக்கு தீர்வு கிடைக்கும். வெளிநாடு செல்வதற்கான வாய்ப்புக்கள் வீடு தேடி லரும் வெளிநாட்டுடன் தொடர்புடைய வியாபாரத்தில் ஈடுபடுபவர்களுக்கு அதிக லாபம் ஈட்டும் வாய்ப்பு அமையும்.

அதிர்ஷ்டத்தின் முழு ஆதரவும் இந்த 40 நாட்கள் உங்கள் பக்கம் இருப்பதால், தொட்ட காரியம் எல்லாம் வெற்றியில் முடியும். இதனை சரியாக பயன்படுத்தினால் நிதி நிலையில் அடுத்த கட்டத்தை எளிமையாக அடைய முடியும்.

சிம்மம்

சிம்ம ராசியின் 8 ஆவது வீட்டில் சனி பகவான் அஸ்தம் நிகழவுள்ளது. ஏற்கனவே இந்த ராசிக்காரர்களுக்கு அஷ்டம சனி நடந்து வரும் நிலையில்,  இதுவரை காலமும் அனுபவித்த பிரச்சினைகளில் இருந்து விடுபட வழிகள் பிறக்கும்.

நீண்ட காலம் நிலுவையில் இருந்து வந்த வழக்குகள் மற்றும் கடன் பிரச்சினைகளுக்கு முடிவு கட்டுவீர்கள். மாணவர்களின் கல்வி நிலையில் எதிர்பார்த்த பலன்கள் கிடைக்கும். 

மனநிலையில் இருந்த சோர்வு நிலை நீங்கி, தெளிவும் புத்துணர்வும் உண்டாகும். இதுவரை காலமும் பணியிடத்தில் இருந்து வந்த பிரச்சனைகள் மற்றும் கவலைகள் நீங்கும். நிதி நிலை திருப்திகரமாக இருக்கும். சிலர் பதவி உயர்வை பெறும் வாய்ப்பும் காணப்படுகின்றது.

கும்பம்

கும்ப ராசியின் 2 ஆவது வீட்டில் சனி பகவான் அஸ்தமனமாகவுள்ளார். ஏற்கனவே இந்த ராசிக்காரர்களுக்கு ஏழரை சனியின் கடைசி கட்டம் நடந்துவரும் நிலையில்,இவர்களுக்கு சனியின் தீய பார்வையில் இருந்து விடுதலை கிடைக்கும். 

அதனால் எதிர்பாராத நிதி ஆதாயங்கள் கிடைக்கும் வாய்ப்பு காணப்படுகின்றது. குறிப்பாக சரியான முறையில் பேசியே நினைத்த காரியத்தை சாதித்துவிடுவார்கள். இவர்ளுக்கு உடல் நிலையில் இருந்த பிரச்சினைகள் நீங்கும்.

பணியிடத்தில் இருந்து வந்த கருத்து வேறுப்பாடுகள் நீங்கி, உயர் அதிகாரிகளிகளின் ஆதரவு கிடைக்கும். புதிய வீடு, வாகனம் வாங்கும் வாய்ப்புக்கள் அமையும். பரம்பரை சொத்துக்கள் கைக்குவரும் வாய்ப்பு காணப்படுகின்றது.