தீபாவளிக்கு முன் சில கிரகங்களின் பெயர்ச்சி, அமைப்பானது நவபஞ்சம் யோகத்தை உருவாக்குகிறது. சூரியன், சனியின் அமைப்பால் உருவாகும் இந்த யோகம் எந்தெந்த ராசிக்கெல்லாம் தங்கள் வேலையில் பதவி உயர்வும், தொழிலில் வெற்றி, முன்னேற்றம் ஏற்படும் என நாம் இங்கு தெரிந்து கொள்வோம்.

ஜோதிடத்தில் சிறப்பான பலன் தரக்கூடிய யோகங்களில் ஒன்று நவபஞ்சம யோகம். அந்த வகையில் சூரியன் துலாம் ராசியில் சஞ்சரிப்பதும், சனி கும்பத்தில் சஞ்சரிப்பதால் உருவாகக்கூடிய நவபஞ்சம் ராஜயோகம் சில ராசியை சேர்ந்தவர்களின் வேலையில் பதவி உயர்வும், நிதி நிலை முன்னேற்றமும் அடையும்.

மேஷ ராசி

மேஷ ராசியை சேர்ந்தவர்களுக்கு நவ பஞ்சம யோகத்தால் மிகவும் சிறப்பான பலன் கிடைக்கும். நிதி நிலை மேன்மை தரும். தொழில், வியாபாரத்தில் நிதி சார்ந்த முன்னேற்றம் ஏற்படும். வேலையில் நினைத்த இலக்கை அடைய முடியும். வியாபாரம் தொடர்பாக புதிய ஒப்பந்தங்கள் கிடைக்கும். குடும்பத்தில் மகிழ்ச்சி அதிகரிக்கும். நீங்கள் செய்த முந்தைய முதலீடுகள் மூலம் லாபம் கிடைக்கும். லட்சுமி தேவியை நல்லருள் கிடைக்கும்.

ரிஷப ராசி

ரிஷப ராசியை சேர்ந்தவர்களுக்கு மிகவும் சாதகமான பலன்கள் கிடைக்கும். உங்கள் வேலையை சரியான நேரத்தில் முடிக்க முடியும். உத்தியோகஸ்தர்களுக்குச் சம்பள உயர்வு, பதவி உயர்வை எதிர்பார்க்கலாம். பணியிடத்தில் புதிய பொறுப்புகளும், சாதகமான சூழலும் உண்டாகும். நிதிநிலை முன்னேற்றம் இருக்கும். சொந்த தொழில் செய்யக்கூடியவர்களுக்கு புதிய வாய்ப்புகள் கிடைக்கும். திட்டமிட்ட வேலைகள், இலக்குகளை அடைய சாதகமான காலம்.

துலாம் ராசி

துலாம் ராசிக்காரர்களின் தைரியம் அதிகரிக்கும். தடைப்பட்ட வேலைகள் சிறப்பாக செய்து முடிக்க முடியும். சொந்த தொழில் செய்யக்கூடியவர்கள் அதில் வெற்றி எதிர்பார்க்கலாம். வணிகத்தில் திட்டங்கள் நிறைவேறும். பணத்தட்டுப்பாடு குறையும். வேலை நிமித்தமான பயணங்கள் வெற்றியும், ஆரோக்கியத்தில் முன்னேற்றமும் இருக்கும்.