பாஜாக வேட்பாளாரான வானதி சீனிவாசனிடம் அஜித் ரசிகர்கள் வலிமை அப்டேட் கேட்டு விடாமல் துரத்தி வருகின்றனர்.

கோவை தொகுதியில் போட்டியிட்ட கமல்ஹாசனை இறுதிவரை விடாமல் துரத்திய வானதி சீனிவாசன் இறுதியில் வெற்றி பெற்றார்.

சமீபத்தில் சமூக வலைத்தளத்தில் அஜித் ரசிகர் ஒருவர் ‘வலிமை அப்டேட் எப்போது கிடைக்கும் என்று கேள்வி எழுப்பியதற்கு, வானதி சீனிவாசன் ’நான் வெற்றி பெற்றவுடன் நிச்சயமாக வலிமை அப்டேட் கிடைக்கும் தம்பி’ என பதிலளித்திருந்தார்.

இந்த நிலையில் தற்போது வானதி சீனிவாசன் கோவை தெற்கு தொகுதியில் வெற்றி பெற்றதை அடுத்து அவருக்கு வாழ்த்துக் கூறிய அஜித் ரசிகர்கள் ’நீங்கள் வாக்குறுதி கொடுத்தபடியே ’வலிமை’ அப்டேட்டை கேட்டு சொல்லுங்க’ என்று விடாமல் கேட்டு வருகின்றனர்.

அஜித் ரசிகர்களின் கோரிக்கையை நிறைவேற்றும் வகையில் ’வலிமை’ அப்டேட்டை வானதி சீனிவாசன் தருவாரா? என்பதை பொறுத்து இருந்து தான் பார்க்க வேண்டும்.