ஒருவருடைய பிறப்பு ராசி மற்றும் நட்சத்திரமானது அவர்களின் எதிர்கால வாழ்க்கை, பொருளாதார நிலை, காதல் வாழ்க்கை, திருமண வாழ்க்கை, விசேட ஆளுமைகள் உட்பட அவர்களின் நேர்மறை, எதிர்மறை குணங்களிலும் நேரடியாக ஆதிக்கம் செலுத்தும் என ஜோதிட சாஸ்திரம் குறிப்பிடுகின்றது.
அந்தவகையில் குறிப்பிட்ட சில ராசிகளில் பிறந்த பெண்கள் பிறவியிலேயே அபரிமிதமான அறிவாற்றல் கொண்டவர்களாகவும், யாராலும் கட்டுப்படுத்த முடியாத ஆற்றல் வாய்ந்த ஆளுமை கொண்டவர்களாகவும் இருப்பார்களாம்.
அப்படி நுண்ணறிவு மற்றும் மனவலிமைக்கு பெயர் பெற்ற ஆற்றல் மிக்க பெண் ராசியினர் யார் யார் என இந்த பதிவில் பார்க்கலாம்.
விருச்சிகம்
விருச்சிக ராசியில் பிறந்த பெண்கள் மர்மமான இயல்புக்கும், இரகசியம் காக்கும் தன்மைக்கும் பெயர் பெற்றவர்களாக இருப்பார்கள்.
அந்த ராசி பெண்கள் தங்களின் சதந்திரத்தை யாருக்காகவும் விட்டுக்கொடுக்காதவர்களாகவும் எதையும் அதீத அறிவாற்றலால் சிந்தித்து தெளிவாக செயல்படுபவர்களாகவும் இருப்பார்களாம்.
மற்றவர்களின் மனதில் இருப்பதை சொல்லாமலேயே தெரிந்துக்கொள்வதிலும், தங்களின் அடுத்தகட்ட நகர்வை மற்றவர்களிடமிருந்து பாதுகாப்பதிலும் கில்லாடிகளாக இருப்பார்களாம்.
இந்த ராசி பெண்களுக்கு உலகத்து விடயங்களை அறிந்துக் கொள்ளும் ஆர்வம் சற்று அதிகமாகவே இருக்கும். இவர்களின் அபரிமிதமாக அறிவுக்கு இதுவும் ஒரு முக்கிய காரணமாக இருக்கும்.
மிதுனம்
மிதுன ராசியில் பிறப்பெடுத்த பெண்கள் தங்களின் தங்களின் அதிக அறிவாற்றல் மற்றும் இரட்டை இயல்புக்கு பெயர் பெற்றவர்களாக இருப்பார்களாம்.
இவர்கள் தங்களின் முடிவுகளில் மிகவும் உறுதியானவர்களாகவும் மற்றவர்களின் ஆலோசனையை பொருட்படுத்தாமல் தங்களை மட்டுமே நம்பி செயல்படுபவர்களாகவும் இருப்பார்கள்.
இந்த ராசி பெண்கள் பகைவர்களிடம் சண்டையிட்டு பதில் பேசுவதை விட அமையாக இருந்து, தங்களின் அசர வைக்கும் வெற்றியால் பதில் கொடுக்கும் குணம் கொண்டவர்கள். இவர்களின் அமைதி மிகவும் ஆபத்தானதாக இருக்கும்.
மகரம்
மகர ராசியில் பிறந்த பெண்களுக்கு பிறப்பிலேயே மற்ற ராசியினருடன் ஒப்பிடுகையில், சற்று அதிகமாக அறிவாற்றல் இருக்கும்.
இவர்கள் தங்களின் திட்டங்களை பல முறை பரிசீலனை செய்து சரியான முடிவை எடுப்பதில் கில்லாடிகளாக இருப்பார்கள்.
இவர்கள் கல்வியிலும் சரி, பொது விடயங்களை பற்றி அறிந்துக்கொள்வதிலும் சரி மிகவும் ஆர்வம் கொண்டவர்களாகவும், அசைக்க முடியாக மனவலிமைக்கு பெயர் பெற்றவர்களாகவும் இருப்பார்கள்.
