பொதுவாகவே காலையில் உடல் சத்தாக இருக்க வேண்டும் என்பதற்காக ஆரோக்கியமான உணவுகளை எடுத்துக் கொள்வது வழக்கம்.
அவற்றில் பழங்களுக்கு இருக்கும் இடம் மிக முக்கியமானது. அந்தப் பழங்களில் பப்பாளி பழத்தில் அதிகளவான நார்ச்சத்து, வைட்டமின் சி, ஆன்டி-ஆக்ஸிடன்கள் நிறைந்திருக்கிறது.
மேலும், பப்பாளிப் பழத்தை சாப்பிட்டால் இயற்கையாகவே பல நோய்களில் இருந்து விடுபடலாம். அப்படி பல நோய்களுக்கு மருந்தாகவும் இருக்கும் பப்பாளி பழத்தை வெறும் வயிற்றில் சாப்பிடலாமா? என்றக் கேள்வி இருக்கும். அதற்காக பதிலை இந்தப் பதிவில் பார்க்கலாம்.
ஒவ்வொரு நாளும் ஆரோக்கியமான உணவை சாப்பிட்டால் உடலை ஆரோக்கியமாக வைத்துக் கொள்ளலாம்.
காலையில் வெறும் வயிற்றில் பப்பாளி பழம் சாப்பிட்டால் செரிமான மண்டலம் ஆரோக்கியமாக இருக்கும் இதனால் வயிற்றுப் பிரச்சினைகள் ஏற்படாது.
பப்பாளிப் பழத்தில் நார்ச்சத்து அதிகமாக இருப்பதால் இது மலச்சிக்கலில் இருந்து தப்பிக்கவும் உதவுகிறது.
பப்பாளி பழத்தில் குறைந்த கலோரிகளும் அதிக நார்ச்சத்துக்களும் இருப்பதால் இது பசி உணர்வை தூண்டாமல் நீண்ட நேரத்திற்கு வயிறு நிறைந்திருப்பது போல இருக்கும் இதனால் உங்கள் உடல் எடையும் குறையும்.
பப்பாளியில் இருக்கும் சத்துக்கள் எல்லாம் உடலில் நோய் எதிர்ப்பு சக்தியை அதிகரிப்பதோடு நோய்த் தொற்றுக்களிடம் இருந்து பாதுகாக்கிறது.
பப்பாளி பழம் கொலஸ்ட்ரோல் அளவை கட்டுக்குள் வைத்திருக்கும் மேலும், இது கெட்ட கொழுப்பின் அளவையும் குறைக்கும்.
பப்பாளி பழத்தில் இருக்கும் வைட்டமின் சி மற்றும் ஆக்ஸிஜனேற்றங்கள் சருமத்தை ஆரோக்கியமாக பாதுகாக்கிறது.
