நவகிரகங்களில் குருபகவான் மிகவும் மங்களகரமான கிரகமாகவும், தேவர்களின் குருவாகவும் கருதப்படுகிறார். குருபகவானின் பெயர்ச்சி, அஸ்தமனம், உதயம் போன்ற இயக்க மாற்றங்கள் அனைத்து ராசிகளிலும் சாதகமான மற்றும் பாதகமான தாக்கங்களை ஏற்படுத்தும்.

தற்போது, குருபகவான் தனது உச்ச ராசியான கடகத்தில் அஸ்தமன நிலையில் இருப்பதால், ஜோதிட ரீதியாக அவரது பலம் குறைந்துள்ளது.இந்நிலையில், 2026 ஆகஸ்ட் 10-ஆம் தேதி கடக ராசியில் குருபகவான் உதயமாகிறார்.

ஏற்கனவே குருபகவான் ‘ஹம்ஸ மகாபுருஷ ராஜயோகத்தை’ உருவாக்கியுள்ள நிலையில், அவரது உதயம் மேலும் குருவின் பலத்தை அதிகரிக்கும். இந்த பெயர்ச்சியின் தாக்கம் அனைத்து ராசிகளிலும் பிரதிபலித்தாலும் அதிகளவில் சாதக நன்மைகளை பெறப்போகும் ராசிகள் யார் யார் என விரிவாக பார்க்கலாம்.

கடகம்

கடக ராசியில் குருபகவான் முதல் வீட்டில் உதயமாவதால் தன்னம்பிக்கையும் தைரியமும் அதிகரிக்கும். நீண்ட நாட்களாக நிலுவையில் இருந்த பணிகள் வெற்றிகரமாக நிறைவடையும்.

வேலையில் இருப்பவர்களுக்கு பதவி உயர்வு அல்லது ஊதிய உயர்வு கிடைக்க வாய்ப்புள்ளது. புதிய வருமான வாய்ப்புகள் உருவாகும்.

எதிர்காலத்தில் நன்மை தரக்கூடிய புதிய தொடர்புகள் கிடைக்கும். உங்கள் ஆளுமைக்கு அங்கீகாரமும் மரியாதையும் கிடைக்கும்.நிதிநிலை நீண்ட காலத்திற்கு நிலையாக இருப்பதுடன், ஆரோக்கியமும் சாதகமாக இருக்கும்.

தொழிலில் திருப்தி ஏற்படுவதுடன், வியாபாரிகளுக்கு ஒப்பந்தங்கள் மூலம் நல்ல வருமானம் கிடைக்கும். போட்டியாளர்களை சமாளிக்கும் திறன் அதிகரிக்கும். 

கன்னி

கன்னி ராசிக்கு லாப ஸ்தானமான 11ஆம் வீட்டில் குருபகவான் உதயமாகிறார். ஆகஸ்ட் 10ஆம் தேதிக்குப் பிறகு எதிர்பாராத நன்மைகள் கிடைக்கலாம்.

வருமானம் கணிசமாக அதிகரிக்கும் வியாபாரிகள் நல்ல லாபம் ஈட்டுவார்கள். இந்த காலகட்டத்தில் சுறுசுறுப்பும் தன்னம்பிக்கையும் அதிகரிக்கும்.

இதனால் நீண்ட நாட்களாக இருந்து வந்த பல்வேறு பிரச்சினைகள் முடிவுக்கு வரும். குருவின் இந்த மாற்றம் கன்னி ராசிக்காரர்களுக்கு பல சிக்கல்களில் இருந்து மீண்டு வருவதற்கான வாய்ப்பை வழங்கும்.

தனுசு

தனுசு ராசிக்காரர்களுக்கு ஆயுள் மற்றும் திடீர் லாபத்தின் 8ஆம் வீட்டில் குருபகவான் உதயமாகிறார். இந்த காலகட்டத்தில் செல்வம் பெருகும் வாய்ப்புள்ளது.

முதலீடுகளும் நல்ல பலனைத் தரும். இலக்குகளை அடைவதில் வேகம் அதிகரிக்கும். செல்வாக்கு மிக்கவர்களுடன் ஏற்படும் தொடர்புகள் வாழ்க்கையில் பெரிய மாற்றங்களை கொண்டு வரலாம்.

அங்கீகாரமும் புகழும் தேடி வரும். குருபகவானின் உதயம் உறவுகளில் சாதகமான மாற்றங்களை ஏற்படுத்தும். இதன் மூலம் வாழ்க்கையில் அமைதியும் மகிழ்ச்சியும் அதிகரிக்கும்.