ஜோதிட சாஸ்திரத்தின் பிரகாரம் ஒருவருடைய பிறப்பு ராசி மற்றும் நட்சத்திரமானது அவர்களின் எதிர்கால வாழ்க்கை, பொருளாதார நிலை, விசேட ஆளுமைகள் மற்றும் அவர்களின் நேர்மறை, எதிர்மறை குணங்களில் பெருமளவில் ஆதிக்கம் செலுத்தும் என நம்பப்படுகின்றது.
அந்தவகையில், அனைத்து ராசிக்காரர்களும் தனித்துவமான குணாதிசயங்களைக் கொண்டிருந்தாலும், சில ராசிக்காரர்கள் சுயநீதிமான்களாகவும், எதையும் சரியான சிந்தித்து செய்யும் ஆளுமையுள்ளவர்களாகவும் இருப்பார்கள்.
அப்படி அதிப புத்திசாலித்தனம், பகுப்பாய்வு சிந்தனை அல்லது சூழ்நிலைகளை ஆழமாக உணர அனுமதிக்கும் வலுவான உள்ளுணர்வு ஆகியவற்றின் காரணமாக முழுமைத்தன்மைக்கு பெயர் பெற்ற ராசியினர் யார் யார் என இந்த பதிவில் பார்க்கலாம்.
கன்னி
கன்னி ராசியில் பிறந்தவர்கள் எதிலும் நேர்த்தியும் முழுமையையும் விரும்பும் குணம் கொண்டவர்களாக இருப்பார்கள்.
இவர்கள் பகுப்பாய்வு செய்பவர்களாகவும், மற்றும் விவரங்களில் அதிக கவனம் செலுத்துபவர்களாகவும் இருப்பார்கள்.
தகவல் மற்றும் சூழ்நிலைகளை மிகவும் கவனமாக பகுப்பாய்வு செய்யும் திறன் காரணமாக அவர்கள் பெரும்பாலும் எதையும் சரியாக செய்யும் ஆளுமை கொண்டவர்களாக அறியப்படுகின்றார்கள்.
விருச்சிகம்
விருச்சிகம் ராசிக்காரர்கள் மிகவும் உள்ளுணர்வு மற்றும் உண்மையைப் பற்றி ஆராய்ந்து முடிவெடுக்கும் குணம் கொண்டவர்கள் என்பதால், இவர்ளின் செயல்களில் முழுமையும் நேர்த்தியும் நிச்சயம் இருக்கும்.
இந்த ராசியினர் தங்களின் உள்ளுணர்வை அதிகமாக நம்புகிறார்கள். மேலும் மறைக்கப்பட்ட உண்மையை வெளிப்படுத்த சூழ்நிலைகளை ஆழமாக பகுப்பாய்வு செய்கியும் குணத்தையும் கொண்டிருப்பார்கள்.
இவர்களின் இந்த தனித்துவமான குணங்கள் காரணமாக பெரும்பாலும் தங்களுக்கு எது சிறந்தது அல்லது சரியானது என்று தேர்வு செய்வதில் கில்லாடிகளாக இருப்பார்கள்.
சிம்மம்
சிம்ம ராசிக்காரர்கள் இயல்பாகவே தன்னம்பிக்கை மற்றும் தைரியம் நிறைந்தவர்களாக இருப்பார்கள். இவர்கள் பிறப்பிலேயே மற்றவர்களை வழிநடத்தும் சிறந்த தலைமைத்துவ குணங்களை கொண்டிருப்பார்கள்.
வாழ்க்கையைப் பற்றிய அவர்களின் அரச கண்ணோட்டமும் தலைமைத்துவத்திற்கான இயல்பான திறமையும் அவர்களின் அணுகுமுறை சரியானது என்ற அசாத்திய துணிச்சலை அவர்களுக்கு கொடுக்கின்றது.
இவர்கள் தங்களின் திறன்களில் சிங்கத்தை போல் நம்பிக்கையுடன் இருப்பதோடு, அவர்களின் சரியான தன்மையை அரிதாகவே சந்தேகிப்பார்கள். இவர்கள் பெரும்பாலும் சரியானதை மட்டுமே செய்கின்றார்கள்.
