ஜோதிட சாஸ்திரத்தின் அடிப்படையில் ஒருவருடைய பிறப்பு ராசி மற்றும் நட்சத்திரமானது அவர்களின் எதிர்கால வாழ்க்கை, காதல் வாழ்க்கை, விசேட ஆளுமைகள் மற்றும் அவர்களின் நேர்மறை, எதிர்மறை குணங்களில் அதிக ஆதிக்கம் செலுத்தும்.
அந்தவகையில் குறிப்பிட்ட சில ராசிகளில் பிறந்தவர்கள் காதல் மற்றும் திருமண விடயங்களில் அதிக ஈர்ப்பு கொண்டவர்களாக இருப்பார்கள். மேலும் காதலுக்காக எந்த விடயத்தையும் விட்டுக்கொடுக்கவும் தயாராக இருப்பார்கள்.
இப்படி காதல் துணைக்காக எதையும் இழப்பதற்கும், விட்டுக்கொடுப்பதற்கும் தயாராக இருக்கும் ராசியினர் யார் யார் என இந்த பதிவில் பார்க்கலாம்.
மேஷம்
மேஷம் ராசியில் பிறந்தவர்கள் பெரும்பாலும் ஆர்வம், லட்சியம் மற்றும் அதீத தைரியம் கொண்டவர்களாக இருப்பார்கள். இவர்கள் லட்சியவாதிகளாக அறியப்படுகின்றார்கள்.
இருப்பினும், இவர்கள் அன்புக்கு கட்டுப்படுவர்களாகவும் காதல் விடயத்தில், எதையும் விட்டுக்கொடுக்க கூடியவர்களாகவும் இருப்பார்கள்.
மேஷ ராசிக்காரர்கள் தங்கள் வாழ்க்கை துணையில் நல்வாழ்வையும் மகிழ்ச்சியையும் உறுதி செய்வதற்காக மிகப்பெரிய தியாகங்களைச் செய்யத் தயாராக இருப்பார்கள். இவர்கள் காதலுக்காக உயிரையும் கொடுக்கும் தியாகிகளா இருப்பார்கள்.
கடகம்
சந்திரனால் ஆளப்படும் கடக ராசியினர், இயல்பாகவே மிகவும் மென்மையாக உள்ளம் கொண்டவர்களாக இருப்பார்கள். இவர்களுக்கு காதல் வாழ்க்கையில் அதிக ஈர்ப்பு காணப்படும்.
இந்த ராசியில் பிறந்தவர்கள் உள்ளார்ந்த பச்சாதாபம் மற்றும் இரக்க உணர்வைக் கொண்டுள்ளனர். அவர்கள் தங்கள் துணைக்கு உணர்ச்சிபூர்வமான ஆதரவையும் ஆறுதலையும் வழங்க அதிக முயற்சி எடுப்பார்கள்.
தங்கள் துணையின் தேவைகளை பூர்த்தி செய்வதற்காக தங்களின் விருப்பங்களையும் தேவைகளையும் கூட விட்டுக்கொடுக்க தயாராக இருப்பார்கள்.
துலாம்
துலா ராசியில் பிறந்தவர்கள் இணக்கமான சமாதானத்தை உருவாக்குவதில் பெயர் பெற்றவர்களாக இருப்பார்கள்.
இவர்களின் காதல் வாழ்விலும் அமைதியையும் மகிழ்ச்சியையும் அதிக எதிர்பார்ப்பதால், துணையின் மகிழ்ச்சிக்காக எதையும் விட்டுக்கொடுக்க தயாராக இருப்பார்கள்.
இவர்கள் குறிப்பாக உறவுகளில், நல்லிணக்கம் மற்றும் சமநிலையை அதிகம் மதிப்பதால், அன்பிற்காக தன்னலமின்றி விட்டுக்கொடுக்கும் குணத்தை நிச்சயம் கொண்டிருப்பார்கள். இந்த ராசியினரை துணையாக பெறுவது பெரும் அதிர்ஷ்டம்.
