எண் கணிதத்தின்படி, ஒருவர் பிறந்த திகதியை வைத்து அவரின் ஆளுமை மற்றும் எதிர்காலம் எப்படி இருக்கப் போகிறது என்பதனை பற்றி அறிந்து கொள்ளலாம்.
ஒரு நபரின் தனிப்பட்ட மற்றும் தொழில் வாழ்க்கை பற்றி முக்கிய அம்சங்களை எண் கணிதம் கணிக்கிறது. ஒவ்வொரு பெயருக்கும் எண்ணுக்கும் ஏற்ப ஒரு ராசி இருப்பதை போன்று எண் கணிதத்திலும் ரேடிக்ஸ் எண்கள் உள்ளன. இவை ராசிகளை போன்று ரேடிக்ஸும் ஏதோ ஒரு கிரகத்துடன் தொடர்புடையதாக இருக்கும்.
ஒரு நபரின் பிறந்த திகதியைக் கூட்டினால் 1 முதல் 9 எண்களுக்குள் வரும். இவ்வாறு கிடைப்பதே ‘’ரேடிக்ஸ் எண்'' என அழைக்கப்படுகின்றது.
அதே சமயம், உங்களின் பிறந்த தேதி, மாதம், வருடம் ஆகியவற்றைக் கூட்டினால் விதி எண் வரும். இந்த கிரகத்தின் ஆட்சியால் புத்திசாலிகள் மற்றும் வேலை வணிகத்தில் நிறைய முன்னேற்றம் அடைவார்கள். இருப்பினும் பல நேரங்களில் அதிர்ஷ்டம் கிடைப்பதில்லை.
எண் கணிதத்தின் படி, குறிப்பிட்ட சில தேதிகளில் பிறந்தவர்கள் சுயநலவாதிகளாக இருப்பார்களாம். இவர்களிடம் கொஞ்சம் உஷாராக தான் இருக்க வேண்டும். அப்படியானவர்கள் எந்தெந்த தேதியில் பிறந்திருப்பார்கள் என்பதனை தொடர்ந்து பதிவில் பார்க்கலாம்.
| 8, 17 மற்றும் 26 தேதிகள் | எண் கணிதத்தின் படி, 8, 17 மற்றும் 26 தேதிகளில் பிறந்தவர்கள் ரொம்பவே சுயநலவாதிகளாக இருப்பார்கள். இவர்களை ஆளும் கிரகம் சனி என்பதால் மற்றவர்களின் கருத்துக்களுக்கு முக்கியத்துவம் கொடுக்கமாட்டார்கள். கடின உழைப்பாளிகளாக இருப்பதால் அவர்களிடம் திமிரு அதிகமாகவே இருக்கும். தர்க்கத்திற்கு அதிகமாக முக்கியத்துவம் கொடுப்பார்கள். பணம் விடயத்தில் எச்சரிக்கையாக இருப்பார்கள். சுயநலமாக சிந்திப்பதில் கில்லாடிகளாக இருப்பார்கள். |
| 7, 16 மற்றும் 25 தேதிகள் | எண் கணிதத்தின் படி, 7, 16 மற்றும் 25 தேதிகளில் பிறந்தவர்கள் சுயநலவாதிகளாக இருப்பார்கள். இவர்கள் மீது கேதுவின் தாக்கம் இருப்பதால் உள்முக சிந்தனை கொண்டவர்கள். எதையும் மிக விரைவாக வெளிப்படுத்தவே மாட்டார்கள். தங்கள் நம்பிக்கை கொண்ட பாதையில் மட்டுமே செல்வார்கள். மற்றவர்களின் உணர்வுகளை புரிந்து கொள்ளமாட்டார்கள். எந்த காரியம் செய்தாலும் அதனால் பணம் வருமா? என்றே பார்த்துக் கொண்டிருப்பார்கள். பிறரை காயப்படுத்தினால் அது பற்றிய கவலை அவர்களுக்கு இருக்காது. |
| 1, 10 மற்றும் 28 தேதிகள் | எண் கணிதத்தின் படி, 1, 10 மற்றும் 28 தேதிகள் பிறந்தவர்கள் ரொம்பவே சுயநலவாதிகளாக இருப்பார்கள். இவர்களுக்கு சூரியனின் தாக்கம் அதிகமாக இருப்பதால் தலைமைத்துவ குணங்கள் இருக்கும். எப்போதும் சொந்த கருத்துக்களுக்கு முக்கியத்துவம் கொடுப்பார்கள். சொந்த நலன்களை கவனித்த பின்னரே பிறரை பற்றி யோசிப்பார்கள். |
