பொதுவாகவே நமது ஆளுமைகள் மற்றும் விசேட குணங்களுடன் நமது விருப்பங்கள் நெருங்கிய தொடர்பை கொண்டிருப்பதாக உளவியல் ஆய்வுகள் குறிப்படுகின்றன.
ஒவ்வொருக்கும் உடல் தோற்றம் , நிறம், உயரம், எடை ஆகியவற்றில் வித்தியாசங்கள் இருப்பதை போன்றே குணங்கிலும் நிச்சயம் வித்தியாசங்கள் இருப்பது இயல்பு.
அந்தவகையில் உங்களுக்கு பிடித்த நிறத்தை வைத்தே உங்களில் ஆளுமை மற்றும் உங்களின் நேர்மறை, எதிர்மறை குணங்களை கணித்துவிட முடியும் என உளவியல் நிபுணர்கள் குறிப்பிடுகின்றனர்.
அதன் அடிப்படையில் நீங்கள் ஊதா நிறத்தை அதிகம் விரும்புபவர்களாக இருந்தால், உங்கள் ஆளுமை பண்புகள் மற்றும் விசேட குணங்கள் எப்படி இருக்கும் என இந்த பதிவின் மூலம் அறிந்துக்கொள்ளலாம்.
வரலாற்று ரீதியாக, ஊதா நிற சாயம் விலை உயர்ந்ததாகவும் அரிதானதாகவும் இருந்தது, இது செல்வம் மற்றும் அதிகாரத்துடன் தொடர்புடைய நிறமாக அமைந்தது, குறிப்பாக அரச குடும்பத்தினர் மற்றும் பயன்படுத்தும் நிறமாக பார்க்கப்பட்டது. இந்த நிறத்தை விரும்புபவர்கள் மிகவும் தனித்துவமான குணம் கொண்டவர்களாக இருப்பார்கள்.
இவர்கள் செய்யும் ஒவ்வொரு வேலையிலும் முழுமையும் நேர்த்தியும் இருக்க வேண்டும் என்பதில் உறுதியாக இருப்பார்கள். இவர்களின் உணர்வுகளை வெளிப்படுத்தாது மர்மமாகவே வைத்திருப்பார்கள்.
ஊதா நிறம் கற்பனையைத் தூண்டுகிறது, படைப்பு சிந்தனை மற்றும் கலை வெளிப்பாட்டை ஊக்குவிக்கிறது. எனவே ஊதா நிற விரும்பிகள் மிகவும் படைப்பாற்றல் கொண்டவர்களாக இருப்பார்கள்.
பல கலாச்சாரங்களில், ஊதா நிறம் ஆன்மீகம், உள்ளுணர்வு மற்றும் உயர்ந்த உணர்வுடன் இணைக்கப்பட்டுள்ளது. இந்த நிறத்தை பிடித்தவர்கள் ஆன்மீக விடயங்களில் அதிக ஆர்வம் கொண்டவர்களாக இருப்பார்கள்.
இது தியானம் மற்றும் ஆன்மீக நடைமுறைகளில் சுயபரிசோதனை மற்றும் தெய்வீகத்துடனான தொடர்பை ஊக்குவிக்கப் பயன்படுத்தப்படுகிறது. எனவே இவர்கள் அமைதியை அதிகம் விரும்புபவர்களாக இருப்பார்கள்.
வெளிர் ஊதா, குறிப்பாக பெண்மை, உணர்ச்சி மற்றும் ஏக்கம் போன்ற உணர்வுகளையும் தூண்டும். ஊதா நிற விரும்பிகள் பெரும்பாலும் மென்மையான மனம் கொண்டவர்களாக இருப்பார்கள்.
ஊதா என்பது வெப்பம் மற்றும் குளிர்ச்சியின் கலவையாக இருப்பதால், சில சமயங்களில் அது முடிவெடுக்காமை அல்லது தெளிவான திசையின்மையுடன் தொடர்புடையதாக இருப்பதால், இந்த நிற விரும்பிகள் முடிவெடுப்பதில் சிறமப்படும் இயல்பை கொண்டிருப்பார்கள்.
இந்த நிற விரும்பிகள் ஆடம்பரத்தை விரும்புபவர்களாகவும், செல்வ செழிப்பான வாழ்க்கையை வாழுபவர்களாகவும் இருப்பார்கள்.
இவை அனைத்தும் வண்ண உளவியலை அடிப்படையாகக் கொண்ட பொதுவான கருத்துக்கள். இந்த குணங்கள் நிச்சயம் உங்களிடம் இருக்க வேண்டும் என்ற அவசியம் இல்லை என்பது குறிப்பிடத்தக்கது.
