பொதுவாகவே தற்காலத்தில் நடிகைகள் உற்பட பிரபலங்கள் பலரும் காலில் கருப்பு கயிறு கட்டுவதை வழக்கமாக வைத்திருக்கின்றனர். இதற்கு பின்னால் என்ன காரணம் இருக்கின்றது என இந்த பதிவில் பார்க்கலாம்.
நாம் அனைவரும் வாழ்வில் மகிழ்ச்சியாகவும் மன நிம்மதியுடனும் வாழ வேண்டும் என்று தான் விரும்புகின்றோம். இதனை அடிப்படையாக வைத்தே அனைத்து சாஸ்திரங்களும் தோற்றம் பொற்றுள்ளது.
அந்த வகையில் இந்து சமய சாஸ்திரத்தில் கறுப்பு நிற கயிறு மிகவும் முக்கியத்துவம் வாய்ந்ததாக கருதப்படுகின்றது.
கண் திருஷ்டியை தடுக்க சுத்திப்போடுவது, திருஷ்டி கழிப்பது, போலவே காலில் கருப்புக்கட்டுவதும் முன்னோர்கள் பின்பற்றி வந்த ஒரு நடைமுறை தான். ஆண்கள் வலது காலிலும், பெண்கள் இடது காலிலும் கருப்பு கயிறு கட்டுவது வழக்கம்.
கறுப்பு கயிற்றின் நன்மைகள்
இது சனிபகவானுக்கு உகந்ததாக கருதப்படுகிறது. பொதுவகவே நமது உடலில் காணப்படும் எதிர்மமறை ஆற்றல்களை நீக்கி நேர்மறை ஆற்றல்களை ஈர்ப்பதே கயிறு கட்டுவதற்கான காரணம்.
சாஸ்திரங்களின்படி, கறுப்பு கயிறு கட்டுவது தீய கண் பார்வையில் இருந்து தப்புவதற்கு ஒரு பாதுகாப்பு கவசமாகவே கருதப்படுகின்றது.
கருப்பு கயிறு மனதில் நேர்மறை சக்தியை அதிகப்பதாக நம்பப்படுகின்றது. கருப்பு நிறம் சூரிய ஒளியில் இருந்து வரும் கதிர்களை ஈர்க்கும் ஆற்றல் கொண்டது எனவே கருப்பு கயிறு கட்டுவதால் நீண்ட காலமாக இருந்து வந்த நோய்கள் குணமாகும் மனதில் தெளிவு பிறக்கும்.
நமது உடலில் பல்வேறு முடிச்சுகள் உள்ளன். இதில் ஒவ்வொரு முடிச்சும் உடலின் ஒவ்வொரு இயக்கத்தையும் சீராக்கும் தன்மை கொண்டது.
கணுக்கால் பகுதி, முக்கியமான முடிச்சு பகுதியாகும். எனவே இந்த பகுதியில் கயிறு கட்டுவதால் நாடியின் இயக்கம் சீராவதுடன், எண்ணங்களும், மனநிலையும் ஒருநிலைப்படுகின்றது.
இருப்பினும் ஜோதிட சாஸ்திரத்தின் அடிப்படையில் குறிப்பி்ட்ட சில ராசியினர் கருப்பு கயிறை கட்டுவது பாதக விளைவுகளை ஏற்படுத்தும்.
தனுசு, துலாம், கும்பம் ஆகிய ராசியினர் கருப்பு கயிறை காலில் கட்டினால் அதிர்ஷ்டம் கிடைக்கும். ஆனால் விருச்சிகம், மேஷம் போன்ற ராசிக்காரர்கள் இந்த கயிறை கட்டினால் சில பாதக விளைவுகளை ஏற்படுத்தும் என குறிப்பிடப்படுகின்றது.
