ஆஸ்திரேலியாவின் சுவான் நகரம் மற்றும் முன்டரிங், சிட்டரிங், நார்தாம் ஆகிய பகுதிகளில் காட்டுத்தீ ஏற்பட்டுள்ளது. கட்டுப்படுத்த முடியாத அளவுக்கு தீ வேகமாக பரவி வருகிறது. இதனால் அங்கு வசித்த மக்கள் அப்புறப்படுத்தப்பட்டு உள்ளனர். தீயை அணைக்க 250-க்கும் மேற்பட்ட தீயணைப்பு வீரர்கள் போராடி வருகிறார்கள். ஆனால் தீயை அணைக்க முடியவில்லை. காட்டுத் தீயில் 30-க்கும் மேற்பட்ட வீடுகள் எரிந்து நாசமானது.
சுமார் 7 ஆயிரம் ஹெக்டர் காட்டுப்பகுதி தீயில் எரிந்துள்ளன. தீ வேகமாக பரவுதால் மக்கள் வீடுகளை விட்டு வெளியேறி பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளனர்.
