ஜோதிட சாஸ்திரப்படி, நவகிரகங்களில் தேவர்களின் குருவாகக் கருதப்படுபவர் குரு பகவான். அறிவு, செல்வம், அதிர்ஷ்டம், வளர்ச்சி ஆகியவற்றின் காரகரான இவரின் அருள் அல்லது ஜாதகத்தில் நல்ல நிலை இருந்தால், கல்வி, தொழில், திருமணம், பொருளாதாரம் உள்ளிட்ட பல துறைகளில் சிறப்பான பலன்கள் கிடைக்கும்.

தனுசு மற்றும் மீன ராசிகளின் அதிபதியான குரு பகவான் ஆண்டுக்கு ஒருமுறை ராசி மாறுவார். அதன்படி, ஜூன் 2 முதல் தனது உச்ச ராசியான கடகத்தில் பயணித்து வரும் அவர், ஜூலை 14 அன்று அஸ்தமனமானார்.தற்போது, ஆகஸ்ட் 12 அன்று குரு பகவான் உதயமாகவுள்ளார்.

குருவின் உதயத்தால் அனைத்து 12 ராசிகளுக்கும் தாக்கம் இருந்தாலும், இந்த 4 ராசிக்காரர்கள் தொழில் மற்றும் நிதி நிலையில் குறிப்பிடத்தக்க முன்னேற்றத்தையும் அதிர்ஷ்டத்தையும் பெறவுள்ளனர். அந்த அதிர்ஷ்ட ராசிகள் யார் யார் என்பது குறித்து இந்த பதிவில் பார்க்கலாம்.

தனுசு

தனுசு ராசிக்காரர்களுக்கு குரு பகவான் 8-வது வீட்டில் உதயமாகிறார். இதன் தாக்கத்தால், நீண்ட நாட்களாக செய்த கடின உழைப்புக்கு ஏற்ற பலன் கிடைக்கத் தொடங்கும்.

நிதி நிலை சீராகி, வருமானம் அதிகரிக்கும் வாய்ப்பு உள்ளது. மன அமைதியும் தன்னம்பிக்கையும் மேம்படும். முதலீடுகள் மூலம் நல்ல லாபம் கிடைக்கக்கூடும்.

பணியிடத்தில் ஒப்படைக்கப்பட்ட பொறுப்புகளை சிறப்பாக நிறைவேற்றி, மேலதிகாரிகளின் பாராட்டையும் அங்கீகாரத்தையும் பெறுவீர்கள்.

தொழில் மற்றும் வியாபாரத்தில் வளர்ச்சி ஏற்படும். இதுவரை தடைபட்டு வந்த முக்கிய வேலைகளும் வெற்றிகரமாக நிறைவேறும்.

மகரம்

மகர ராசிக்காரர்களுக்கு குரு பகவான் 7-வது வீட்டில் உதயமாகிறார். இதனால் நிதி நிலையில் எதிர்பாராத முன்னேற்றம் ஏற்படலாம். நீண்ட காலமாக வர வேண்டிய பணம் கைக்கு வந்து சேரும் வாய்ப்பு உள்ளது.

ரியல் எஸ்டேட், ஃபேஷன் மற்றும் கூட்டுத் தொழிலில் ஈடுபட்டிருப்பவர்கள் நல்ல லாபம் பெறக்கூடும். அலுவலகத்தில் தலைமைத்துவ திறன் வெளிப்பட்டு, பதவி உயர்வு அல்லது சம்பள உயர்வு கிடைக்கும் வாய்ப்பும் உள்ளது.

அரசு துறையில் பணிபுரிபவர்களுக்கு மகிழ்ச்சியான செய்திகள் கிடைக்கலாம். மொத்த்தில் குருவின் ஆசியால் பொன் பொருள் குவியும்.

மிதுனம்

மிதுன ராசிக்காரர்களுக்கு குரு பகவான் 2-வது வீட்டில் உதயமாகிறார். இதனால் முன்னேற்றத்திற்கான புதிய வாய்ப்புகள் உருவாகும்.

நீண்ட நாட்களாக திட்டமிட்டு வந்த வேலைகள் வெற்றிகரமாக முடிவடையும். தொழில் மற்றும் வியாபாரத்தில் லாபம் தரக்கூடிய புதிய ஒப்பந்தங்கள் கிடைக்கலாம்.

பணியிடத்தில் உங்கள் திறமையை உயர் அதிகாரிகள் பாராட்டுவார்கள். சிலருக்கு பதவி உயர்வு அல்லது சம்பள உயர்வு கிடைக்கும் வாய்ப்பும் உள்ளது.

வருமானத்தில் இருந்த தடைகள் விலகி, பொருளாதார நிலை வலுப்பெறும். அனுபவம் மிக்கவர்களின் ஆலோசனைகளைப் பின்பற்றினால், எதிர்காலத்தில் மேலும் நல்ல முன்னேற்றத்தை அடைய முடியும்.

மீனம்

மீன ராசிக்காரர்களுக்கு குரு பகவான் 5-வது வீட்டில் உதயமாகியுள்ளார். இதன் தாக்கத்தால் அதிர்ஷ்டம் முழுமையாக கைகொடுக்கும்.

எந்த முயற்சியிலும் வெற்றி கிடைக்கும் வாய்ப்பு அதிகரிக்கும். அதேபோல், நிதி ரீதியாகவும் நல்ல முன்னேற்றம் காணப்படும்.

புதிய வீடு அல்லது வாகனம் வாங்கும் யோகம் உருவாகும். குடும்பத்தில் மகிழ்ச்சியும் அமைதியும் நிலவும். வாழ்க்கைத் துணையுடனான உறவு மேலும் வலுவடையும். எதிர்பாராத பண வரவு கிடைக்கக்கூடும்.

முதலீடுகள் மூலம் நல்ல லாபம் கிடைக்கும் வாய்ப்பும் உள்ளது. வேலை தொடர்பான பயணங்கள் பொருளாதார முன்னேற்றத்திற்கு வழிவகுக்கும். வெளிநாடு தொடர்பான முயற்சிகளிலும் சாதகமான பலன்கள் கிடைக்கலாம்.