தேள்கள் பெரும்பாலும் வீடுகளுக்குள் உள்ள பிளவுகளில் தங்கள் வீடுகளை உருவாக்குகின்றன. பாறைகள் மற்றும் விறகுகள் போன்ற சிறிய இடங்களிலும் தேள்கள் வாழ்கின்றன.

நீங்கள் எதிர்பாராத விதமாக ஒரு தேளை கண்டால், அது உங்களைத் தற்காத்துக் கொள்ள உங்கள் உடலில் விஷத்தை செலுத்தும் வாய்ப்புகள் அதிகம்.

பெரும்பாலான தேள் கொட்டுவது தீங்கு விளைவிப்பதில்லை மற்றும் குத்தப்பட்ட பகுதியைச் சுற்றி வலியை மட்டுமே ஏற்படுத்தும்.

ஆனால் மிகவும் ஆபத்தான தேள் கொட்டினால் அது உயிருக்கு ஆபத்தை விளைவிக்கும். இதை பற்றிய தெளிவான புரிதலை இங்கு பெற்றுக்கொள்ளலாம்.

இந்த தேள் கொட்டும் பிரச்சனையால் வருடத்திற்கு 3,000 பேர் உயிரிழக்கின்றனர். இதில் அதிகம் பாதிக்கப்படுவது குழந்தைகள் தான். காரணம் தேள் கடித்தவுடன் என்ன செய்ய வேண்டும் என்பது பற்றிய புரிதல் யாருக்கும் இல்லாதது தான்.

இதை பற்றி மருத்துவர் வேணி கூறுகிறார்.தேள் வேட்டையாடி உண்னும் ஒரு இனமாகும். அது தனது கொடுக்கிலிருந்து ஒருவித விஷத்தை பாய்ச்சுகிறது.

இந்நிகழ்வு சிறிய விலங்குகளில் மரணத்தையும், மனிதர்களுக்கு பெரும் வலியையும் தரக்கூடியது. இந்த வலி மனிதர்களுக்கு 48 மணிநேரம் வரை அப்படியே இருக்குமாம்.

தேள்கள் காலணிகளுக்கு அடியிலோ அல்லது படுக்கையறைக்கு அடியிலோ மாட்டிக்கொள்கின்றன. எனவே மிக கவனமாக இருப்பது நம் அனைவருக்கும் நல்லது.  

தேள் கடித்தால் கடித்த பகுதியை இதயத்திற்கு மேலே தூக்கியவாறு இருக்க வேண்டும். வலியின் வீரியத்தை பொறுத்து தேள் கடித்த பகுதியில் உடனடியாக ஐஸ் வைத்து ஒத்தடம் கொடுக்கவும்.

பின்னர் ஒரு துணியை வைத்து கட்டுப்போடவும். பயப்பட வேண்டாம். உடனடியாக மருத்துவமனைக்கு செல்லவும்.

தேள்களில் இருந்து உங்களைப் பாதுகாத்துக்கொள்ள கையுறை மற்றும் காலணிகள் அணிய வேண்டும் என்று அறிவுறுத்துகிறார் மருத்துவர் வேணி.