2025 ஆம் ஆண்டு தொடங்கும் போது, வியாழன் மற்றும் சுக்கிரன் ஜூன் மாதத்தில் தங்கள் நிலையை மாற்றுகின்றன. இந்த இரண்டு கிரகங்களும் ஒரே ராசியில் பிரவேசிக்கப் போகின்றன.
இரண்டு கிரகங்களும் வெவ்வேறு நாட்களில் வெவ்வேறு நேரங்களில் மிதுன ராசிக்குள் நுழைகின்றன. இந்த இரண்டு ராசிகளும் ஒரே ராசியில் வருவதால் சில ராசிகளுக்கு கஜலக்ஷ்மி ராஜயோகம் உருவாகிறது.
கஜலக்ஷ்மி ராஜயோகத்தால், சில ராசிக்காரர்களுக்கு பொருளாதார முன்னேற்றம் உண்டாகும். இந்த யோகத்தால் அவர்கள் வாழ்க்கையை விரும்பியபடி வாழ முடியும். அவர்கள் தனிப்பட்ட வாழ்க்கையிலும், குடும்ப வாழ்க்கையிலும் மகிழ்ச்சியை அடைவார்கள். அவர்கள் எந்தெந்த ராசிக்காரர்கள் என்று நாம் இங்கு பார்ப்போம்.
மேஷம்
செவ்வாய்-சுக்கிரனின் சேர்க்கை மேஷ ராசிக்காரர்களுக்கு சிறப்பான பலன்களை கொடுக்கும். எதிர்பாராத வழிகளில் வருமானம் தேடிவரும். வியாபாரிகளுக்கு இந்த காலகட்டத்தில் பெரும் லாபம் கிடைக்கும். புதிய வியாபாரம் தொடங்க விரும்புபவர்களுக்கு அதற்கான வாய்ப்புகள் உருவாகும். மாணவர்களுக்கு சாதகமான சூழ்நிலை நிலவும். வேலையில் இருப்பவர்களுக்கு சக ஊழியர்களின் முழுமையான ஆதரவு கிடைக்கும். காதலில் இருப்பவர்கள் தங்கள் உறவை அடுத்த நிலைக்கு செல்லும் முயற்சியில் வெற்றி பெறலாம்.
மிதுனம்
வியாழன் மற்றும் சுக்கிரன் மிதுன ராசியில் நுழைவதால் 2025 ஜூன் மாதத்தில் கஜலக்ஷ்மி ராஜயோகம் உருவாகிறது. இதனால் மிதுன ராசிக்காரர்களுக்கு அதிர்ஷ்ட காலம் தொடங்கப்போகிறது. அவர்கள் சமூகத்தில் நல்ல மதிப்பும், மரியாதையும் பெறுவார்கள். இந்த யோகத்தால் மிதுன ராசிக்காரர்கள் வேலையில் நன்றாக பிரகாசிக்க முடியும்
2025 ஆம் ஆண்டின் நடுப்பகுதியில், அவர்கள் வாழ்க்கையிலிருந்த பல நிதி சிக்கல்கள் நீங்கும். திருமணம் ஆகாதவர்களுக்கு நல்ல திருமண வாழ்க்கை அமையும். அவர்கள் வாழ்க்கையில் பல சாதனைகளைச் செய்ய முடியும். திருமணமானவர்கள் வாழ்க்கையில் மகிழ்ச்சி அதிகரிக்கும்.
துலாம்
துலாம் ராசிக்காரர்களுக்கு இந்த யோகத்தால் பொருளாதார நன்மைகள் கிடைக்கும். கடந்த காலங்களில் செய்த முதலீடுகளால் நல்ல லாபம் கிடைக்கும். குடும்பத்தினர் மூலம் பல நல்ல செய்திகளைக் கிடைக்கலாம். அமைதியும், மகிழ்ச்சியை நிறைந்த வாழ்க்கையை வாழ முடியும்.
வேலை தேடுபவர்களுக்கு ஜூன் மாதத்திற்கு பின் நல்ல வேலை கிடைக்கும். ஏற்கனவே வேலையில் இருப்பவர்கள் பணியில் பல முன்னேற்றங்களை எதிர்பார்க்கலாம். கையில் பணப்புழக்கம் அதிகரிக்கும். திருமணமான தம்பதிகளுக்கு மகிழ்ச்சியான செய்தி தேடிவரும்.
கும்பம்
கஜலக்ஷ்மி யோகத்தால் கும்ப ராசிக்காரர்களுக்கு மகிழ்ச்சியான வாழ்க்கை அமையும் யோகம் உருவாகும். கடந்த கால கடன் சுமைகள் நீங்கி அமைதியான வாழ்க்கை நிலவும். வீட்டில் மகிழ்ச்சியான விஷயங்கள் பல நடக்கும். வியாபாரம் செய்பவர்களுக்கு புதிய ஒப்பந்தங்களால் லாபம் அதிகரிக்கும். வேலையில் இருப்பவர்கள் பதவி உயர்வு மற்றும் சம்பள உயர்வு போன்ற சலுகைகளைப் பெறலாம். இந்த நன்மைகள் உங்கள் நிதிநிலையை மேம்படுத்தும்.
